Bergarako San Martin eskolako Lehen Hezkuntzako patioa elkarlanean berritu dute, jolas librea oinarri. Eskola kanpoko orduetan edonork erabili ahalko du, gainera.
Prozesua ikasturte osoan landu, eta eskolako komunitate osoarekin gauzatu dute: irakasleak, ikasleak eta gurasoak.
Eta dagoeneko erabilgarri dago. Jolas librea da eskola komunitatetik eta Bergarako Udaletik sustatu eta indartu nahi izan dutena. Umeen sormen eta garapen prozesurako ezinbestekoa baita jolas librea, euren esanetan, eta horretarako aukera ematen du parke berriak.
