Espazioaren deskribapena
Kutxa Ekogunea etorkizun jasangarriago bat lortzeko makina bat ideia proposatzen dituen parkea da. Kutxa Fundazioak bultzatuta, bere misioa kontzientziaziotik ekintzara igarotzeko bidea erraztea da hezkuntza, aisia eta berrikuntzaren bitartez. Aldi berean, herri eta eskualdeetan aliantza bidezko proiektuak sustatzen ditu beste erakundeekin batera jasangarritasunaren sarea josiz.
Parkea Donostiako hegoaldean kokatzen da, Zabalegi finkan eta 25 hektarea ditu.
Ekogunean familientzako bi gune bereiz ditzakegu.
Parke irekia edonor joan daiteke bertako espazioetara. Baratze komunitarioak, Baratze Eskola eta jolas parke ireki batek osatzen dute parke irekia.Finkaren beheko aldean kokatzen da
Kutxa Ekoguneko Haur Parkea finkaren goialdean kokatzen da. Material naturalekin egindako 0-11 urte bitarteko haurrentzako aisia espazioa da. Haurren jolasteko eran oinarrituta dago eta hauen sormena, autonomia, auto-estimua, erlazioak eta psikomotrizitatea sustatuko dituen estrukturak eta euskarriak ditu, hala nola, zuhaitzak dituzten soro borobilak, sareak, negutegi argitxuak, baserritxo bat, … Jolas autonomoaz gain, egunero ikasteko tailerrak eskaintzen dira eta astebururo ikuskizun bereziak, urtebetetze festak ere bai.
Gune honetara sartzeko sarrera ordaindu behar da. Informazio guztia ekoguneko webgunean.
Gunearen izena: Ekogunea.
Helbidea:Rekalde – Hernani errepidea z/gabe (GI-2132, 2.km-a). ekogunea
Kokapena: Parkea Donostiako hegoaldean kokatzen da, Zabalegi finkan
Estalia edo irekia: irekia. Haur parkea eztalia
Sarrera: Haur parkea ordainduta
Iturria: bai
Komunak: bai, haur parkean.
Irisgarritasuna: oinez, bizikletaz, autoz…
Gurpildun aulkientzako irisgarria: bai.
Aparkalekua: bai,
