Azpeitiko (Gipuzkoa) Ekoetxearen ondoan dago kokatuta Xaguxatar parkea, eta izenak dioen bezala, saguzarra bihurtu da bertako protagonista. Euskal Herriko jakintza eta ohitura naturalak ezagutzeko lehen hezkuntza-parkea da, hain zuzen ere.
Saguzarren ohiturei, bizilekuari eta ezaugarriei buruzko informazioa ematen du, ikuspegi ludiko eta interaktibo batetik. Parke honek aisia eta naturarekiko kontaktua bilatzen du.
Izarraitz mendigunea Kontserbazio Eremu Berezia (KEB) dela eta bertan lau saguzar-espezie desberdin bizi direla kontuan hartuta, saguzarra hartu da parkeko maskotatzat, eta hark gidatuko gaitu ibilbidean, hainbat atriletan jasotako informazioaren bidez.
1.800 metroko azalera du, eta bost eremutan dago banatuta.
Lehenengoa, Enbor bertikalen lorategia da. Akazia-enbor zurituak daude bertan, eta gainera, sokarekin egindako armiarma-sarea dago.
Bigarrena, laberintoa da. Hainbat pertzepzio sentsorialen bidez jolasteko gunea da. Erremu-sail bat du.
Hirugarrena, xaguxatar horma da. Binaka konektatutako zulo-sistemaren bidez, saguzarrek gaueko hegaldietan erabiltzen dituzten radar-sistema birsotzea du helburu. Halaber, horma rokodromo bezala erabili daiteke.
Laugarrena, intsektuen hotela da. Saguzarrentzako habiak daude Ekoetxearen fatxadan. Habi horiek testura ezberdinak dituzte, artelak gisako erliebe-koadroa osatzen dute.
Azkena, ordezko egonaldia da. Eremu honek akazia-enborrak dauzka, horizontalean jarrita banku gisa, eta kable-bobinetako zurezko egitura zirkularrak mahai gisa. Ondoan, enborrez egindako mikado-jokoa dago.
Beraz, arratsalde dibertigarria pasatzeko aparteko lekua duzu Azpeitiko Xaguxatar parkea.
