Otxandio herritik kilometro batera dagoen pagadiz osatutako naturgunea aurkeztuko dizuegu gaurkoan.
Egurrezko mahaiak, erretegiak edota iturriak aurkitu ditzakegu bertan. Herrigunetik, basoa zeharkatzen duen bidetik oinez zein bizikletaz bertaratzea plan polita izan daiteke. Autoz errepidetik ere bertaratu daiteke.
Inguruan eraikita dagoen presatik hartzen du izena prezazelai naturguneak, gertu dagoen Mekoleta auzoko errotara ura eramateko erabiltzen zena. Pagadi handi batek babesten du gunea eta Urkiola ibaiaren ertzean kokatzen da. Bertan, egurrezko zubi txikiak daude erreka zeharkatzeko.
Familian edota lagunartean udazkenaz disfrutatzeko leku lasai eta baketsua da. Udan ere pagoen itzalek giroa freskatzen dute, gainera errekan bainatzeko aukera ere izaten da.
