Artxanda mendia Bizkaiko hiriburuan dagoen mendia da. Hiriaren erdigunetik hurbil dago. Hiriko atrakzio turistikoetako bat da. Oso ezaguna da, batez ere hiriko ikuspegi zabala ikus daitekeelako bertatik. Horrekin batera berdegunez inguratuta dago eta kirola egiteko gune ederra da.
2020ko urriaren 13an inauguratu zituzten begiratokia, La Huellako izeneko eskultura eta erdiko iturria.
1936ko gerran esanahi handia izan zuen espazio honek eta pasarte haiek gogora ekartzen dituzten panelak eta Artxanda Memoria Ibilbidea ere badaude .
Funikularra
Artxandako beste bereizgarri handi bat funikularra da. Von Ron enpresa suitzarrak eraiki zuen eta 1915eko urriaren 7an egin zuen lehen bidaia. Artxanda mendian zegoen kasinora sartzeko eraiki zuten.
1936ko gerran bonbardatuak izan ziren bai trenbidea bai goiko geltokia. Hala, zerbitzua eten egin zuten. Udalak hartu zuen bere gain 1939an. Gaur egun, Bilboko Udalak kudeatzen du, eta 1983an eraberritu zuten.
Geltokiaren ondoan estalitako kantxa bat dago. Mahaiak, iturriak eta ostalaritza zerbitzua ere baditu Artxandak. Autoz iritsi daiteke.
