Nagoreko urtegiaren ondoan kokatzen den jolaserako eremua ekarri nahi dugu gida honetara. Urtegiko hondartzak eta inguruak eskaintzen dizkigun aukerak aberasten dituelakoan gaude, area, egurrezko oreka elementuak, txirrista edo etxetxoak aurkituko dituzu bertan.
Urtegia 6 kilometro dituen ibilbide batek inguratzen du, . Haren bidez zenbait altxor ezagutzeko aukera izanen duzu: Santa Mariaren eliz erromanikoa, Artziko Erdi Aroko jauregia, Pirinioetako galtzada erromatarra izandakoa (oinezkoentzako ibilbide bilakatu da, eta alderdi hau Orreagarekin eta Frantziarekin lotzen du) eta Nagoreko San Julian eliz gotiko ederra (barnean erretaula interesgarria du, estilo hispano-flamenkokoa).
