Espazioaren deskribapena
Monterron parkea Arrasateko erdialdean kokatzen da. Parkea izen bereko kondearen jauregiko lorategia zen, eta XVII. mendean eraiki zuten. Estilo barroko klasizistakoa da, eta hiru gunetan bereiz daiteke.
Parkeak hainbat sarrera ditu, aurrealdetik eta alboetatik (bidegorria dena). Aurrealdetik sartu ezkero, parke zainduarekin egingo dugu topo lehenengo eta anfiteatroa eta baso itxurako parkea etorriko dira gero.
Parkean zehar esertzeko hainbat gune daude. Uda aldean bero egin ezkero ere itzala aurkitzeko arazorik ez da falta. Anfiteatroko harmailek eta baso itxurako parkeak jolaserako hamaika aukera eskaintzen dituzte.
Bestelako zerbitzuak
Parkean hainbat zuhaitz daude horietako bat, sekuoia erraldoia alegia, Gipuzkoako aparteko zuhaitza izendatu zuten 1997an.
Baso itxurako parketik gora igo ezkero, herriko hilerriraino irits gaitezke. Eta bertan, inguruko fauna aberatsarekin egin dezakegu topo.
Gunearen izena: Monterron parkea.
Helbidea: sarrera nagusia Otalora lizentziaduna kaletik.
Kokapena: herrigunean.
Estalia edo irekia: irekia.
Sarrera: doan.
Iturria: ez.
Komunak: bai, parkearen sarreran.
Irisgarritasuna: oinez, bizikletaz, autoz…
Gurpildun aulkientzako irisgarria: bai.
Aparkalekua: bai, herrian.
